Draw and Tell sa Palawan: bukal ng biyaya para sa mga batang makasining

QUEZON CITY, ika-27 ng Oktubre, (PIA): Maraming bata sa Palawan ang nabiyayaan ng scholarship o allowance sa Draw and Tell Competition.

Ayon kay Pollie David ng Palawan Provincial Social Welfare and Development Office, ang mga batang nagwagi  ng first place sa mga mga kategoryang ng singing at drawing ng Draw and Tell ay nakakatanggap ng Php 5,000 kada taon bawat baiting hanggang sa makatapos ng elementarya.

Bukod pa ang nasabing halaga ang mahigit sa tatlong libong cash prize na mapapanalunan sa araw ng kumpetisyon. 

Ang  Draw and Tell ay isa sa mga paboritong talent competition na idinadaraos ng mga lokal na pamahalaan sa Palawan tuwing Children’s Month bawat Oktubre ng taon.

Ngayong araw na ito, isang Draw and Tell competition ang idinadaos sa bayan ng Coron bilang bahagi ng pangrehiyong pagdiriwang ng Children’s Month sa pangunguna ng lokal na pamahalaan at ng  Department of Social Welfare and Development -Mimaropa.

Bukod sa Draw and Tell, nakatakdang ganapin ngayong hapon ang Palarong Pinoy gaya ng tumbang preso, luksong tinik, patintero at piko sa Coron Coliseum.

May laro din para sa isipan gaya ng dama at sungka.

Ang Children’s Month ay isang adbokasiya para isulong ang mga karapatang pambata at mga polisiyang nagbibigay proteksyon sa kanila.  (LP)