Ipinapakita ang mga post na may etiketa na TS Nona. Ipakita ang lahat ng mga post
Ipinapakita ang mga post na may etiketa na TS Nona. Ipakita ang lahat ng mga post

Linggo, Disyembre 13, 2015

Dahil kay Bagyong Nona, babala ng bagyo nakataas sa Romblon, Marinduque at Oriental Mindoro


Itinaas ng Pagasa-DOST ang kanilang babala sa bagyo sa ilang mga lalawigan sa Mimaropa para makapaghanda sa paparating na bagyong si Nona.

Kaninang 7 ng gabi, nagpalabas ang Pagasa ng Severe Weather Bulletin No. 6-A kung saan pinaiiral ngayon sa Romblon ang Public Storm Signal No.2.
Nananatili ang Public Storm Signal No. 1 sa Marinduque ngunit kasama na nito ang Oriental Mindoro.
Kapag may Signal No. 2 sa lugar, antimanong walang pasok sa kindergarten, elementarya at highschool.
Kung Signal No. 1 naman, kindergarten lang ang antimanong walang pasok.
Pinapayuhan ang mga biyahero na kumunsulta muna sa Coast Guard District Southern Tagalog dahil karaniwan pinagbabawalan nang pumalaot ang anumang sasakyang pandagat sa sandaling nakataas na ang babala ng bagyo sa kanilang mga lugar.
Batay ito sa Memorandum Circular No. 02-13 ng Coast Guard kung saan sinasabing walang sasakyang pandagat ang papayagan makapaglayag kapag nakataas ang anumang babala ng bagyo sa kinalulugaran nito maliban lang kung maghahanap ng  masisilungan. 
CGD Southern Tagalog ay matatawagan sa numerong (043) 723-5624, 0919-9940067 at 0917-8732091 o kaya sa Coast Guard Substation Batangas sa 0918-2673510 o kaya sa Coast Guard Substation Romblon sa 0929-6864370.
Para sa Oriental Mindoro, tawagan ang Coast Guard Substation Oriental Mindoro sa 0947-9443845. 
Para naman sa byaheng Marinduque, tawagan muna ang Coast Guard Southern Luzon sa numerong 0929-6864188 o kaya sa Coast Guard Substation Lucena sa 0939-4631052. 
Ang mga lugar sa ilalim ng PSWS No. 2 ay makakaranas ng lakas hg hangin mula  61 hanggang 120 kilometro bawat oras sa loob ng 24 oras mula nang maipalabas ang babala.
Ang mga ganitong kalalakas ng hangin ay may kakayahan magpayuko ng mga poste ng ilaw at tore, magpalipad ng mga lumang bubong, makabunot o makapagpatumba ng puno, makasira ng palayan at maisan, at iba pang malilit hanggang katamtamanang pinsala.
Sa karagatan, ang mga alon ay maaring tumaas mula apat hanggang 14 na metro at posibleng magkaroon ng daluyong o storm surge sa mga baybaying barangay.
Tatlumpu hanggang anim na pung kilometro bawat oras ang lakas ng hangin na mararamdaman sa mga probinsyang nasa ilaim ng PSWS No.1.
Nanganganib sa ganitong mga hangin  ang mga kabahayan  na gawa sa mga magagaan na materyales at ang mga palay na namumulaklak pa lang. #


Nona strengthens as it moves to Northern Samar, Bicol




TS Nona has intensified as it moves towards Northern Samar and Bicol Region.

Based on Pagasa-DOST’s Severe Weather Bulletin No. 6,  maximum sustained winds has gone from  110 kilometers per hour to  140 kilometers per hour near the center.

Gustiness went up from 140 kilometers per hour to 170 kilometers per hour.

Typhoon Nona is forecasted to move west at 19 kilometers per hour.

Marinduque and  Romblon are now under Public Storm Signal No. 1 which means these provinces will experience strong winds from  30-60 kilometers  within 36 hours  from the time the PSWS was raised.

When PSWS No. 1 is in effect in a province, classes in kindergarten and most probably sea travel in and out of the area are suspended.

Meanwhile, the National Disaster Risk Reduction and Management Council (NDRRMC) reported that  that the Department of Social Welfare and Development has stocked food packs and stand by funds ready in the field offices.

Among these field office is the DSWD – Mimaropa with 8,855 family food packs and with Php 4-M standby funds available when needed.


Bagyong Nona, lumakas; Marinduque at Romblon, Signal No. 1 na



Lumakas ang Bagyong Nona habang papalapit sa Kabikulan at Hilagang Samar.

Batay sa Severe Weather Bulletin No. 6 ng Pagasa-DOST,  mula sa dating 110 kilometro bawat oras, naging 140 kilometro bawat ang lakas ng hangin ng Bagyong Nona.

Ang dating pagbugso na  140 kilometro bawat oras ay naging 170 kilometro bawat oras.

Kumikilos ang Bagyong Nona pa-kanluran sa bilis na 19 kilometro bawat oras.

Itinaas na rin ng Pagasa-DOST ang Public Storm Warning Signal No. 1 sa Marinduque at Romblon dahil madadaanan ang mga lalawigan ito alinsunod  sa forecast track ng Bagyo Nona.

Ibig sabihin ng PSWS No.1, ang mga lugar na nasa ilalim nito ay makakaranas ng  lakas ng hangin mula 30-60 kilometro sa loob ng 36 na oras mula nang ilabas ang babala.

Ang susunod na bulletin ng Pagasa ay ilalabas mamayang ika-11 ng gabi.

Kapag, nakataas ang PSWS No. 1, antimanong walang pasok sa kindergarten at malamang suspindido ang mga byaheng pandagat papaalis at papasok sa mga apektadong lalawigan.

Samantala, batay sa ulat ng National Disaster Risk Reduction and Management Council,  ang Department of Social Welfare and Development –Mimaropa  ay may naitabing  8,855 family food packs at mayroong Php 4-M standby funds na pwedeng magamit kung kakailanganin. #