Six ports in Mimaropa suspend operations due to Nona

QUEZON CITY, December 14 (PIA)---At least six ports in Mimaropa have suspended operations in response to the public storm warning signals raised by Pagasa DOST  due to Typhoon Nona.

These ports are Poctoy (Odiongan) and Romblon (Romblon town) of Romblon; Banalacan (Mogpog) and Cawit (Boac) of Marinduque; and Calapan (Calapan) and Dangay (Roxas) in Oriental Mindoro.

Once a public storm warning signal (PSWS) is in effect in a province, the Philippine Coast Guard will not allow any kind of vessel to sail except for those ships that are already in the ocean and searching for shelter.

As of 11 Sunday night, Romblon and Marinduque are under PSWS No. 2 while Oriental Mindoro is still under PSWS No. 1.

The seas covered by PSWS No. 2 will have 4 – 14 meter high waves and storm surges may occur in coastal barangays.  #

Operasyon sa Ilang mga pantalan sa Mimaropa, suspindido na dahil kay Nona

LUNGSOD QUEZON, Ika-14 ng Disyembre (PIA)---Yung pong mga kababayang gustong magbiyahe papuntang Romblon, Marinduque at Oriental Mindoro, huwag nang magpumilit dahil walang pantalan magagamit.

Sa Romblon, suspindido na ang operasyon (simula alas-5 ng hapon) sa Poctoy port sa bayan ng Odiongan at sa Romblon Port ng bayan ng Romblon.

Sa Marinduque, halos kasabay ng mga pantalan sa Romblon ang pagsuspindi ng operasyon sa mga pantalan ng Banalacan sa Mogpog at ng Cawit ng Boac.

Kaninang alas-8 ng gabi, humabol ang Calapan port ng Calapan City at ng Dangay port ng Roxas sa lalawigan ng Oriental Mindoro.

Ang suspension ng operasyon ay bilang pagkilala sa Memorandum Circular 02-2013 ng Philippine Coast Guard na walang palalayaging sasakyang pandagat kung may babala ng bagyo sa kanilang kinaroroonan maliban na lang kung inabot sa dagat at naghahanap ng masisilungan.

Kaninang alas-11 ng gabi, itinaas ng Pagasa ang Public Storm Warning Signal No. 2 sa Romblon at Marinduque samantalang nanatili pa rin sa PSWS No. 1 ang Oriental Mindoro. #

Ilang nasuspindeng biyahe pandagat sa Mimaropa, balik sa dati na.

Balik sa dati ang mga pantalang nagsuspinde ng operasyon bilang paghahanda sa pagdaan ng Bagyong Seniang.

Sa ulat ng Office of Civil Defense - Mimaropa, balik byahe ang rutang mula Dangay Port (Oriental Mindoro)  papuntang  Caticlan Port (Iloilo) at  Romblon Port papuntang Cajidiocan Port (Sibuyan Island).

Suspendido pa rin ang pagbiyahe ng mga barko't bangka sa mga pantalan ng Puerto Princesa City (pati Cuyo island)  - Iloilo at Coron (Palawan) papuntang Maynila.

Sa pagkakaalis ng mga babala ng bagyo sa ibang lugar, sinabi  ni Philippine Coast Guard Spokesperson Armand Balilo (sa isang panayam sa Radyo ng Bayan)  na pinayagan na nila ang mga shipping lines na na makapagbiyahe maliban sa mga barko sa Palawan kung saan umiiral pa ang Public Storm Warning Signal No. 1.

Tulad sa Dangay Port kung saan maraming pasahero papuntang Iloilo at Zamboanga ang naipon, umaasa si Balilo na  makakaabot ang mga ito sa pagdiriwang ng bagong taon mamayang hating-gabi.

Noong Martes, Ika-30 ng Disyembre, iniulat ng OCD-Mimaropa  batay sa mga pinagsama-samang report ng Coast Guard station sa Oriental Mindoro, Romblon, Puerto Princesa City at El Nido na umabot sa 2,179 ang bilang mga pasaherong naistranded.

31 Disyembre 2014

Bilang ng mga naistranded na pasahero sa mga pantalan ng Mimaropa, nadagdagan

Umabot sa 504 ang bilang ng mga pasaherong naistranded sa mga pantalan sa Mimaropa.

Batay sa ulat ng Office of Civil Defense-Mimaropa  kaninang 10 ng gabi, mahigit sa 400 ang nasa Calapan Port sa Calapan City samantala ang natitira ay nasa  sa Abra de Ilog Port sa Occidental Mindoro, Dangay Port sa Roxas, Oriental Mindoro at Banalacan Port sa Mogpog Marinduque.

Una rito, nananawagan ang OCD-Mimaropa at iba pang mga miyembrong ahensiya ng Regional Disaster Risk Reduction and Management Council (RDRRMC) sa publiko na ipagpaliban muna ang kanilang mga lakad sa Mimaropa ngayong Martes at sa mga susunod na araw.

Matatandaang sinuspinde ng Calapan Port, Dangay Port, Abra de Ilog Port at iba pang pantalan ang kanilang mga operasyon bilang pag-iwas sa mga disgrasyang maidudulot ng pagdaan ng Bagyong Glenda sa  Mimaropa.

Tanging ang Puerto Princesa City Port sa Palawan ang normal ang operasyon.

Bukod sa mga pasahero, may 79 rolling cargoes at 6  na sea vessels ang naistranded din sa ilang mga pantalan.

Kaugnay nito, nagtutulungan ang OCD-Mimaropa, pamahalaang lungsod ng Calapan, Coast Guard District Southern Tagalog at Philippine Ports Authority para maalalayan ang mga pasahero. 

PIA-Mimaropa Broadcast News

Lyndon Plantilla, 09392974857 and 02-9203922

15 July 2014