NDRRMC: Kanlurang bahagi ng Luzon, maaring maapektuhan ng pagpapaulan ng Habagat

Isang larawan na kinunan ng Sattelite; makikita ang pulang linya na sumasagisag sa Philippine Area of Responsibility (PAR) na nakapaligid sa Pilipinas. (larawan mula sa DOST-Pagasa)


Nagbabala muli nitong Linggo ang National Disaster Risk Reduction and Management Council (NDRRMC) hinggil sa pagpapaulan ng Habagat sa kanlurang bahagi ng Luzon.

Dahil dito, pinapayuhan ng NDRRMC ang publiko na makipag-ugnayan sa kanilang mga disaster risk reduction and management office para maghanda sa posibleng pagbaha  at pagguho ng lupa sa mga bahain at bulubunduking lugar.

Ang mga ulang dala ng Habagat ay mahina, nagiging katamtaman hanggang sa napakalakas bagamat paputol-putol ang pagbuhos. 

Makakaranas ang Ilocos Region ng mahina hanggang katamtamang pag-ulan at pagkulog at pagkidlat.

Dahil dito, ang mga ilog at sangay na maaring maapektuhan ay ang mga sumusunod:Balincugin at Alaminos (Pangasinan);  Lower Abra, Silay-Sta. Maria at Buaya (Ilocos Sur); Amburayan, Bararo,  Lower Bauang at Arigay (La Union); Bulu, Banban, Bacarra-Vintar, Laoag at Quiaoit (Ilocos Norte).
Ang Gitnang Luzon naman ay makakaranas naman ng katamtaman hanggang paminsan-minsang malakas na pag-ulan at pagkulog-pagkidlat.

Ang maaring maapektuhan na ilog at sangay sa Gitnang Luzon ay ang mga sumusunod: Balanga at Moron (Bataan); at Panatawan, Sto. Tomas, Bucau, Bancul at Lawis (Zambales).

At ang Cordillera Administrative Region (CAR) naman ay makakaranas ng mahina hanggang katamtaman na may paminsan-minsang pag-kulog-pagkidlat.

Dahil dito ang mga maaring maapektuhang ilog at sangay sa rehiyon ay ang mga sumusunod: Upper Bauang (Benguet); Upper Abulug (Apayao); Upper Abra, Tineg at Ikmin (Abra); lahat ng ilog at sangay sa Mountain Province.

Typhoon Domeng strengthens into tropical storm, expected to enhance Habagat

Domeng and Habagat. Video image from DOST-Pagasa shows how Southwest monsoon winds are drawn ( lower left, arrows over clouds) to Typhoon Domeng (in circle). DOST Pagasa says these two weather systems will send rains and cause thunderstorms over western and eastern sections of Luzon and Western Visayas in the next three days. (photo courtesy of DOST Pagasa) 

The National Disaster Risk Reduction and Management Council (NDRRMC) and DOST-Pagasa urged residents in Aurora, Bataan, Mimaropa, Calabarzon, Bicol Region and Western Visayas to coordinate with their disaster risk reduction and management offices in preparation for the effects of Typhoon Domeng that has intensified into a tropical storm.

With the strengthening of Typhoon Domeng, DOST Pagasa said it will further enhance the Southwest Monsoon (Habagat) and send rains over Metro Manila and western parts of Luzon and Visayas.

“This is the time of the year…very conducive for the enhancement of Habagat,” said Chris Perez, Senior Weather Specialist of DOST Pagasa in a press briefing Friday morning.

Domeng remained “less likely to make landfall” according to DOST Pagasa Severe Weather Bulletin No. 7.

At 10:00 am today, the center of Tropical Storm Domeng was estimated based on all available data at 655 km East of Tuguegarao City, Cagayan.

Domeng has maximum sustained winds of 65 kph near the center and gustiness of up to 80 kph: it is forecasted to move North Northeast at 17 kph

Perez also said Habagat may cause rough to very rough seas in the western and eastern coast of Luzon as well at the western coast of Visayas.

He urged fisherfolks and owners of small fishing vessels to avoid venturing into sea in the next three days.

Based on the Gale Warning Update issued Friday by NDRRMC (sourced from DOST Pagasa forecast),  strong to gale force winds are expected over the coasts of Camarines provinces, Catanduanes, eastern coasts of Albay and Quezon including Polilio Island, the coasts of Northern and Eastern Samar.

These coasts are expected to experience cloudy skies with moderate to occasionally heavy rains and thunderstorms with wind force from 45 to 63 kilometers per hour.

Large sea vessels are likewise warned against big waves which may reach up to 4 and half meters.

Bagyong Domeng lumakas pa, pag-iibayuhin ang Habagat

Ulan hanggan Linggo.  Ipinapakita ni DOST Pagasa Senior Weather Specialist Chris Perez ang ruta ng Bagyong Domeng na lumakas at naging tropical storm  sa press briefing kanina. Hahatakin ng Bagyong Domeng ang Habagat na siyang magpapaulan sa kanluran at silangang bahagi ng Luzon sa kanlurang bahagi ng kabisayaan simula ngayon hanggang sa susunod na dalawang araw. (larawan mula sa DOST-Pagasa)

Pinang-iingat ng National Disaster Risk Reduction and Management Council (NDRRMC) at ng DOST Pagasa ang mga kababayan sa Aurora, Bataan, Mimaropa, Calabarzon , Kabikulan at Kanlurang Kabisayaan sa biglaang pagbaha at pagguho ng lupa bunga ng paglakas ng Bagyong Domeng at paghatak nito sa Habagat.

Ayon kay DOST-Pagasa Senior Weather Specialist Chris Perez, ang habagat ang nagpapaulan sa Luzon at sa kanlurang kabisayaan sa nakaraan at paparating na mga araw.

Bago magtanghali sa Linggo inaasahan ng DOST Pagasa ang paglabas ng bagyo sa Philippine Area of Responsibility ang bagyo.

Kaninang ika-10 ng umaga,  ang mata ng bagyong Domeng ay tinatayang nasa layong  655 kilometro silangan ng Tuguegarao City, Cagayan.

Taglay ni Domeng ang lakas ng hangin na 65 kilometro kada oras malapit sa gitna at pagbugso nang hanggang 80 kilometro kada oras.

Tinatayang kikilos ang bagyong Domeng pa-hilaga-hilagang silangan sa bilis na 17 kilometro kada oras.

Sinabi din ng DOST Pagasa na hindi mag-lalandfall o tatama ang bagyo sa lupa.

May epekto rin sa karagatan ang Bagyong Domeng at ang Habagat.

“Bagamat napakalayo ng bagyo sa ating kalupaan, yung pinag-ibayong habagat ay magdudulot ng maalon hanggang napakaalong karagatan sa kanluran at silangang bahagi ng Luzon ganun sa kanlurang bahagi ng Kabisayaan,” babala ni Perez.

Dahil dito, pinapayuhan ng DOST Pagasa ang mga mangingisda at mga nagmamay-ari ng mga maliliit na sasakyang pandagat na huwag munang pumalaot ngayon at hanggang sa darating na araw ng Linggo.

Pinag-iingat din ng mga awtoridad ang mga nagpapatakbo ng mga malalaking barko sa mga dambuhalang alon.

Kabilang sa mga iwasan ay ang mga baybayin ng mga  lalawigan ng Camarines,Catanduanes, mga silangang baybayin ng Albay at ng Quezon kabilang  ang isla ng Polilio at ang mga baybayin ng Northern Samar at Samar (Silangan) alinsunod sa ipinalabas na Gale Warning o babala sa hanging hagunot (ulat ng DOST Pagasa) ng NDRRMC.

Ang hanging hagunot (gale) ay hindi pangkaraniwang hangin na may lakas na 62 – 72 kilometro kada oras.

Ang mga binanggit na baybayin ay makakaranas ng maulap na papawirin na may katamtamang hanggang sa manaka-nakang pag-ulan at pagkulog-pagkidlat.

Tinatayang aabot sa pagitan ng 45 hanggang 63 kilometro kada oras ang lakas ng hangin samantalang maaring umabot nang hanggang 4 at kalahating metro ang taas ng alon.  

Pamahalaan, hiniling sa mga mamamayan ang kooperasyon sa panahon ng kagipitan

QUEZON CITY, Setyembre 21, (PIA): Magtiwala at sumunod sa bilin ng mga lokal na pamahalaan tuwing  nagsusungit ang panahon.

Ito ang mga magkakahiwalay ngunit nagkakaisang panawagan nina Interior and local Government Secretary Mar Roxas, Executive Secretary Jojo Ochoa at National Disaster Risk Reduction and Management Council Executive Director Alexander Pama sa mga mamamayan bago pa man pagtulungan bayuhin ng Bagyong Mario at ng hanging habagat ang halos buong Luzon.

Isa na rito ang paglikas sa mga ligtas na lugar o evacuation center kung ang tinitirahan ay mababa o madaling bahain.

Sa Mimaropa, naka-alerto ang mga ahensiyang kabilang sa Regional Disaster Risk Reduction and Management Council, mga Provincial Disaster Risk Reduction and Management Council at  mga katulad nitong mga organisasyon gaya ng City Disaster Risk Reduction and Management Office at Municipal Disaster Risk Reduction and Management Office sa posibleng epekto ng habagat sa rehiyon.

Agad naglabas ng mga babala ang mga substation ng Coast Guard District Southern Luzon at Coast Guard District – Palawan sa mga sasakyan-dagat, maliit man o malaki matapos makakuha ng abiso mmula sa Pagasa-DOST.

Naka-antabay naman ang mga tauhan ng Philippine National Police (PNP-Mimaropa) sa lahat ng police provincial offices at Bureau of Fire Protection (BFP-Mimaropa) sa posibleng suportang kakailanganin ng mga lokal na pamahalaan.

Nakababad naman pagbabantay ang Department of Health – Mimaropa samantalang naghanda sa pagpoposisyon ng mga relief supply ang Department of Social Welfare and Development para sa mga lugar at islang malalayo at mahirap mapuntahan.

Binuhay naman ng Department of Public Works and Highways – Mimaropa ang kanilang mga Motor Vehicle User Charge teams at maintenance crew para sumugod at magkumpuni ng mga masisirang kalsada at mababarahang lansangan.

Tulad ng Coast Guard, PNP at BFP, ang Red Cross ng Calapan at ang 4^th Infantry Battalion ng Philippine Army  ay naghanda ng mga emergency - rescue unit para sumagip ng mga taong masusugatan, maiipit sa kanilang binahang bahay at ibang suportang kakailanganin ng mga lokal na pamahalaan.

Tuloy-tuloy naman ang pagdaloy ng impormasyon mula sa Office of Civil Defense – Mimaropa (OCD-Mimaropa) na walang tigil na nakikipag-ugnayan sa mga lokal na pamahalaan at pang-rehiyong ahensiya.

At sa abot ng kanilang makakaya, sinikap ng Philippine Information Agency – Mimaropa makatulong sa paghahatid ng mga impormasyong galing sa OCD-Mimaropa, mga substation ng Coast Guard District Southern Tagalog at Coast Guard District Palawan at mga lokal na pamahalaan ng Romblon at Marinduque. 

Kasama ng PIA-Mimaropa ang ilang mga kasamahan sa Philippine Broadcasting Service-Radyo ng Bayan, People's Television Network-4 at mga kaibigan sa iba pang media organization sa paghahatid ng mga balitang nangyayari sa rehiyon habang binubuhusan ng ulan ng habagat. (Lyndon Plantilla)

Mimaropa balik sigla matapos paulanan ng Habagat

QUEZON CITY, Setyembre 21, (PIA):  Mas maganda na ang kalagayan ng panahon ngayon sa Mimaropa kumpara noong mga nakaraang araw na maulan dahil sa Hanging Habagat.

Paminsan-minsan nagiging maulap ang papawirin, ngunit sapat ang lakas ng haring araw para pagpawisan at magpaypay ang mga tao tulad sa Calapan City Port (Oriental Mindoro) kahapon.

Kaya naman nanumbalik na ang mga papunta at pabalik na mga byahe (mga nasuspinde dahil sa sama ng panahon) sa Mimaropa tulad ng Calapan-Batangas; Banalacan (Mogpog, Marinduque) – Dalahican (Lucena City); Abra De Ilog (Occidental Mindoro) – Batangas; Odiongan (Romblon) – Batangas at Romblon (Romblon)- Batangas.

Noong kalakasan ng ulan nitong Biernes, iniulat ng Coast Guard District Southern Tagalog na may 1,168 na pasahero ang nanatili sa mga pantalan ng Romblon (Romblon), Calapan (Calapan City, Oriental Mindoro) at Mamburao (Occidental Mindoro).

Naistranded din ang may 86 na rolling cargoes, 11 sea vessels at walong banking de motor sa mga nasabing pantalan.

Dahil nga bumalik na ang mga byahe kasunod ng pagbuti ng panahon, malamang nakaalis na rin sa mga pantalan ang lahat na naistanded.

Sa ulat ng Office Civil Defense-Mimaropa, tila mas maraming ibinuhos na ulan ang habagat sa Occidental Mindoro para bahain ang ilang mga barangay sa mga bayan ng Calintaan, Magsaysay, Paluan, Sta. Cruz, Maburao at San Jose kumpara sa iba pang lalawigan.

May naiulat na pagbaha ring naganap sa  mga barangay ng Taclobo at  Poblacion San Fernando, Romblon.

Pero inaasahang bumaba na tubig sa mga lugar na binaha; madadaanan na rin ang mga spillway ng Pola sa Sta. Cruz at ang Anahawin at Villabeck sa Calintaan na pare-parehong umapaw noong kasagsagan ng ulan ayon sa Department of Public Works and Highways – Mimaropa.

Pero sa mga bayan ng Occidental Mindoro, ang mga bayan ng Calintaan at Magsaysay ang mayroong mga inilikas na 1,294 na pamilya sa walong evacuation center.

Tatlong bahay naman sa Calintaan ang naiulat na nasira samantalang ang Rizal ay nag-ulat na may mayroong isang bahagyang nadisgrasya ng pag-ulan sa kanilang bayan.

Patay-sindi rin ang kuryente sa Calintaan magmula noong Biernes ng umaga ngunit naiwasto naman pagsapit ng hapon.

Lahat ng mga evacuees at mga naistanded sa mga pantalan ay inaasikaso ng mga kawani ng mga social welfare and development office, mga municipal disaster risk reduction and management council, coast guard at iba pang mga awtoridad gaya ng Philippine Ports Authority. (Lyndon Plantilla)